ਜਿਸ ਕਿਸੇ ਨੂੰ ਸੋਵੀਅਤ ਸੰਘ ਦੇ ਟੁੱਟ ਜਾਣ ਦਾ ਦੁਖ ਨਹੀਂ, ਉਸ ਦੇ ਅੰਦਰ ਦਿਲ ਨਹੀਂ ਹੈ

ਜਿਹੜਾ ਇਸਦਾ ਪਹਿਲਾਂ ਵਾਲੇ ਰੂਪ ਵਿੱਚ ਪੁਨਰਜਨਮ ਲੋਚਦਾ ਹੈ ਉਸਦੇ ਕੋਲ ਦਿਮਾਗ਼ ਨਹੀਂ ਹੈ

ਪੁਤਿਨ ਦੇ ਐਕਸ਼ਨ ਨੂੰ ਸਮਝਣ ਲਈ ਦਿਲ ਅਤੇ ਦਿਮਾਗ ਦੋਹਾਂ ਦੀ ਲੋੜ ਹੈ

ਜੰਗ ਬਾਰੇ ਪ੍ਰੋ.ਜਗਮੋਹਨ ਸਿੰਘ ਨੇ ਵੀ ਬੇਨਕਾਬ ਕੀਤੀਆਂ ਅਸਲੀ ਸਾਜ਼ਿਸ਼ਾਂ

ਲੁਧਿਆਣਾ ਵਾਲੇ ਰੋਸ ਮੁਜ਼ਾਹਰੇ ਤੋਂ ਪਰਤ ਕੇ ਕਾਮਰੇਡ ਸਕਰੀਨ ਟੀਮ

ਲੁਧਿਆਣਾ: 3 ਮਾਰਚ 2022: (ਕਾਮਰੇਡ ਸਕਰੀਨ ਡੈਸਕ)::

ਰੂਸ ਨੂੰ ਯੂਕਰੇਨ 'ਤੇ ਹਮਲਾ ਕਿਓਂ ਕਰਨਾ ਪਿਆ ਇਸ ਦੀ ਸਮਝ ਬੇਹੱਦ ਆਸਾਨੀ ਨਾਲ ਲਾਲ ਝੰਡੇ ਵਾਲਿਆਂ ਨੂੰ ਹੀ ਆ ਸਕਦੀ ਸੀ ਕਿਓਂਕਿ ਉਹ ਰੂਸ ਦੁਆਲੇ ਸਾਮਰਾਜੀ ਘੇਰਾਬੰਦੀ ਨੂੰ 1991 ਤੋਂ ਹੀ ਦੇਖਦੇ ਆ ਰਹੇ ਹਨ। ਕਿਸੇ ਨ ਕਿਸੇ ਦਿਨ ਅਜਿਹਾ ਪ੍ਰਤੀਕਰਮ ਹੋਣਾ ਹੀ ਸੀ ਜੋ ਕਿ ਬਹੁਤ ਦੇਰੀ ਨਾਲ ਹੋਇਆ ਹੈ। ਮੁਨਾਫਾਖੋਰੀ, ਅਜਾਰੇਦਾਰੀ ਅਤੇ ਸੁਪ੍ਰੀਮ ਚੌਧਰ ਦੀ ਭੁੱਖ ਦੇ ਨਤੀਜੇ ਵੱਜੋਂ ਜੰਗ ਹੀ ਆਉਣੀ ਸੀ। ਪੁਤਿਨ ਦੇ ਦਿਲ ਦਾ ਦਰਦ ਸਮਝ ਕੇ ਸਮਝਿਆ ਜਾ ਸਕਦਾ ਹੈ ਯੂਕਰੇਨ 'ਤੇ ਹਮਲੇ ਦਾ ਸੱਚ। ਇਸ ਦਿਲ ਵਿੱਚ ਪੀੜਾ ਹੈ, ਦਰਦ ਹੈ, ਇੱਕ ਸੱਚਾ ਰਾਸ਼ਟਰਵਾਦ ਹੈ। ਲਗਾਤਾਰ ਸੋਵੀਅਤ ਸਿੰਘ 'ਤੇ ਹਮਲਾਵਰ ਹੁੰਦੇ ਆ ਰਹੇ ਦੁਸ਼ਮਣਾਂ ਨਾਲ ਸਿੱਝਣ ਲਈ ਉਸ ਕੋਲ ਹੋਰ ਰਸਤਾ ਵੀ ਕੀ ਸੀ? ਹੁਣ ਉਹ ਖੁੱਲ੍ਹ ਕੇ ਮੈਦਾਨ ਵਿੱਚ ਹੈ। ਕਾਫੀ ਕੁਝ ਬਦਲੇਗਾ ਵੀ।

ਅਸਲ ਵਿੱਚ ਰੂਸ ਦਾ ਯੂਕ੍ਰੇਨ ਤੇ ਹਮਲਾ ਕਿਸੇ ਅਚਾਨਕ ਆਈ ਮੁਸੀਬਤ ਵਾਂਗ ਸਮਝਿਆ ਜਾ ਰਿਹਾ ਜਦਕਿ ਇਹ ਮਾਮਲਾ ਕਾਫੀ ਪੁਰਾਣਾ ਹੈ . ਇਹ ਹਮਲਾ ਬਹੁਤ ਪਹਿਲਾਂ ਵੀ ਹੋ ਸਕਦਾ ਸੀ ਪਰ ਟਲਦਾ ਆ ਰਿਹਾ ਸੀ ਰੂਸ ਨੇ ਅਜਿਹਾ ਕਿਓਂ ਕੀਤਾ? ਝਮੇਲੇ ਵਿੱਚ ਅਮਰੀਕਾ ਦੀ ਕੀ ਭੂਮਿਕਾ ਹੈ? ਨਾਟੋ ਵਾਲਾ ਮਸਲਾ ਕੀ ਹੈ? ਨਾਟੋ ਨੂੰ ਮੋਹਰਾ ਬਣਾ ਕੇ ਰੂਸ ਦੇ ਖਿਲਾਫ ਕਿਹੜਾ ਚੱਕਰਵਿਯੂਹ ਰਚਿਆ ਜਾ ਰਿਹਾ ਸੀ? ਅਜਿਹੇ ਬਹੁਤ ਸਾਰੇ ਸੁਆਲ ਹਨ ਜਿਹਨਾਂ ਬਾਰੇ ਆਮ ਲੋਕਾਂ ਨੂੰ ਨਹੀਂ ਪਤਾ। ਦਾਲ ਰੋਟੀ ਦੇ ਫਿਕਰਾਂ ਅਤੇ ਘਰਾਂ ਤੇ ਚੜ੍ਹੇ ਕਰਜ਼ਿਆਂ ਦੀਆਂ ਚਿਤਾਵਾਂ ਵਿਚ ਡੁੱਬੇ ਮੱਧ ਵਰਗੀ ਲੋਕ ਬਸ ਇਹੀ ਜਾਂਦੇ ਹਨ ਕਿ ਕਿਸੇ ਨ ਕਿਸੇ ਤਰ੍ਹਾਂ ਕਰਜ਼ਾ ਚੁੱਕੀਏ ਤੇ ਬਾਹਰ ਚੱਲੀਏ ਫੇਰ ਸ਼ਾਇਦ ਸਾਡੀ ਗਰੀਬੀ ਕੱਟੀ ਜਾਵੇ। ਇਥੇ ਆਪਣੇ ਦੇਸ਼ ਵਿੱਚ ਉਹਨਾਂ ਨੂੰ ਅਜੇ ਤੱਕ ਕੋਈ ਅਜਿਹੀ ਆਸ ਨਜ਼ਰ ਨਹੀਂ ਆਉਂਦੀ।

ਇਸ ਮੁੱਦੇ ਨੂੰ ਲੈ ਕੇ ਜੰਗ ਦੇ ਖਿਲਾਫ ਮੁਜ਼ਾਹਰਿਆਂ ਦਾ ਜ਼ੋਰ ਜਾਰੀ ਹੈ। ਆਈਡੀਪੀਡੀ ਨੇ ਵੀ ਲੁਧਿਆਣਾ ਵਿਚ ਰੋਸ ਮਾਰਚ ਅਤੇ ਰੋਸ ਵਿਖਾਵਾ ਕੀਤਾ। ਇਸ ਮੌਕੇ ਕਾਮਰੇਡ ਐਮ ਐਸ ਭਾਟੀਆ ਅਤੇ ਹੋਰ ਬੁਲਾਰਿਆਂ ਨੇ ਦੱਸਿਆ ਕਿ ਅਸਲ ਵਿੱਚ ਯੂਕਰੇਨ ਜਾ ਕੇ ਐਮ ਬੀ ਬੀ ਐਸ ਸਿਰਫ 15 ਤੋਂ 25 ਲਖ ਰੁਪਏ ਵਿਚ ਹੋ ਜਾਂਦੀ ਹੈ ਜਦਕਿ ਭਾਰਤ ਵਿੱਚ ਇਸਦੀ ਘਟੋਘਟ ਕੀਮਤ ਸਵਾ ਕਰੋੜ ਰੁਪਏ ਹੈ। ਇਸ ਲਈ ਪੜ੍ਹਿਆਂ ਕਰਨ ਦੇ ਮਕਸਦ ਨਾਲ ਗਏ ਯੂਕਰੇਨ ਵਿੱਚ ਐਮ ਬੀ ਬੀ ਐਸ ਕਰਨ ਲਈ ਗਏ ਬਹੁਤ ਨੌਜਵਾਨ ਅਤੇ ਮੁਟਿਆਰਾਂ ਤਾਂ ਅਣਭੋਲ ਫਸੇ ਪੰਛੀਆਂ ਵਾਂਗ ਹਨ। ਉਹਨਾਂ ਚੋਣ ਵੀ ਬਹੁਤੀਆਂ ਨੂੰ ਨਹੀਂ ਪਤਾ ਕਿ ਯੂਕ੍ਰੇਨ ਨੂੰ ਕਿਸ ਗੱਲ ਦੀ ਸਜ਼ਾ ਦਿੱਤੀ ਜਾ ਰਹੀ ਹੈ?

ਲਈ ਇਥੇ ਵੀ ਕਲਿੱਕ ਕਰ ਸਕਦੇ ਹੋ ਅਤੇ ਵੀਡੀਓ 'ਤੇ ਵੀ।

ਪ੍ਰੋ. ਜਗਮੋਹਨ ਸਿੰਘ ਹੁਰਾਂ ਦੇ ਵਿਚਾਰ ਸੁਣੋ ਇਥੇ ਕਲਿੱਕ ਕਰ ਕੇ

ਇਸ ਤਰ੍ਹਾਂ ਇਸ ਸੰਬੰਧੀ ਬਹੁਤ ਸਾਰੇ ਸੁਆਲਾਂ ਬਾਰੇ ਬਹੁਤ ਸਾਰੇ ਲੋਕ ਨਹੀਂ ਜਾਣਦੇ ਕਿ ਮਸਲਾ ਹੈ ਕੀ? ਜਮਹੂਰੀ ਅਧਿਕਾਰ ਸਭਾ ਪੰਜਾਬ ਦੇ ਆਗੂ ਅਤੇ ਸ਼ਹੀਦ-ਏ-ਆਜ਼ਮ ਭਗਤ ਸਿੰਘ ਹੁਰਾਂ ਦੇ ਭਾਣਜੇ ਪ੍ਰੋਫੈਸਰ ਜਗਮੋਹਨ ਸਿੰਘ ਹੁਰਾਂ ਨੇ ਇਸ ਸਾਰੇ ਮਾਮਲੇ ਬਾਰੇ ਵਿਸਥਾਰ ਨਾਲ ਚਾਨਣਾ ਪਾਇਆ ਅਤੇ ਦੱਸਿਆ ਕਿ ਸਾਮਰਾਜੀ ਤਾਕਤਾਂ ਕਿਵੇਂ ਆਪਣੇ ਮੁਨਾਫਿਆਂ ਅਤੇ ਫਾਇਦਿਆਂ ਬਾਰੇ ਪੂਰੀ ਤਰ੍ਹਾਂ ਸੁਚੇਤ ਰਹਿੰਦੀਆਂ ਹਨ। ਉਹਨਾਂ ਇਹ ਵੀ ਸਮਝਾਇਆ ਕਿ ਖੱਬੀਆਂ ਤਾਕਤਾਂ ਰੂਸ ਦਾ ਵਿਰੋਧ ਕਿਓਂ ਕਰ ਰਹੀਆਂ ਹਨ? ਉਹਨਾਂ ਨੇ ਯੂਕ੍ਰੇਨ ਦੀਆਂ ਗਲਤੀਆਂ ਅਤੇ ਅਮਰੀਕਾ ਦੀਆਂ ਸਾਜ਼ਿਸ਼ਾਂ ਬਾਰੇ ਵੀ ਗੱਲ ਕੀਤੀ। ਉਹ ਤਿੰਨ ਮਾਰਚ ਨੂੰ ਆਈਡੀਪੀਡੀ ਵੱਲੋਂ ਦਿੱਤੇ ਰੋਸ ਮੁਯਾਹਰੇ ਦੇ ਸੱਦੇ ਦਾ ਹੁੰਗਾਰਾ ਭਰਦਿਆਂ ਰੋਸ ਮਾਰਚ ਵਿਚ ਸ਼ਾਮਲ ਹੋਣ ਲਈ ਆਏ ਹੋਏ ਸਨ।

ਮੌਜੂਦਾ ਦੌਰ ਵਿੱਚ ਜਿਹੜੇ ਵੀ ਰੂਸ ਨੂੰ ਅੰਨੇਵਾਹ ਭੰਡਣ ਵਿੱਚ ਲੱਗੇ ਹੋਏ ਹਨ ਉਹਨਾਂ ਨੂੰ ਰੂਸ ਦੇ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਦੇ ਦਿਲ ਵਿਚਲਾ ਦਰਦ ਵੀ ਸਮਝਣਾ ਚਾਹੀਦਾ ਹੈ। ਇਸ ਦਰਦ ਦਾ ਪ੍ਰਗਟਾਵਾ ਕੀਤਾ ਹੈ ਸਰਬਜੀਤ ਸੋਹੀ ਹੁਰਾਂ ਨੇ ਆਪਣੀ ਇੱਕ ਲਿਖਤ ਰਾਹੀਂ। 

ਕਿਸੇ ਵੇਲੇ ਪੂਤਿਨ ਨੇ ਕਿਹਾ ਸੀ “ਕਿ ਜਿਸ ਕਿਸੇ ਨੂੰ ਸੋਵੀਅਤ ਸੰਘ ਦੇ ਟੁੱਟ ਜਾਣ ਦਾ ਦੁਖ ਨਹੀਂ, ਉਸ ਦੇ ਅੰਦਰ ਦਿਲ ਨਹੀਂ ਹੈ, ਤੇ ਜਿਹੜਾ ਵੀ ਇਸ ਦੇ ਪਹਿਲਾਂ ਵਾਲੇ ਹੀ ਰੂਪ ਵਿਚ ਇਸਦਾ ਪੁਨਰ ਜਨਮ ਲੋਚਦਾ ਹੈ, ਉਸਦੇ ਕੋਲ ਦਿਮਾਗ਼ ਨਹੀਂ ਹੈ” ਕੇ ਜੀ ਬੀ ਦੇ ਸਾਬਕਾ ਮੁੱਖੀ ਨੂੰ 1990 ਵਿਚ ਟੁੱਕੜੇ ਹੋ ਰਹੇ ਸੋਵੀਅਤ ਰੂਸ ਵਿਚ ਕਦੀ ਇਕ ਟੈਕਸੀ ਡਰਾਈਵਰ ਵਜੋਂ ਰੋਜੀ-ਰੋਟੀ ਲਈ ਸੰਘਰਸ਼ ਕਰਨਾ ਪਿਆ ਸੀ। ਅੱਜ ਉਹਦੀ ਅਗਵਾਈ ਵਿਚ ਬੇਸ਼ੱਕ ਰੂਸ ਇਕ ਤਾਕਤਵਰ ਪੂੰਜੀਵਾਦੀ ਦੇਸ਼ ਬਣ ਚੁੱਕਾ ਹੈ, ਪਰ ਅਮਰੀਕਾ ਨੂੰ ਇੰਝ ਵੰਗਾਰਨ ਵਾਲੀ ਪਹੁੰਚ ਅਤੇ ਤਾਕਤ ਸੱਚੇ ਰੂਸੀ ਰਾਸ਼ਟਰਵਾਦ ਤੇ ਖੜੀ ਹੈ। ਯੂਕਰੇਨ ਤਾਂ ਇਕ ਬਹਾਨਾ ਹੈ, ਆਤਮ ਸਨਮਾਨ ਦੀ ਕਸਕ ਬਹੁਤ ਤੀਬਰ ਹੁੰਦੀ ਹੈ। ਯਾਦ ਹੋਵੇਗਾ ਸੋਵੀਅਤ ਰੂਸ ਦੇ ਖਿੰਡ ਜਾਣ ਤੋਂ ਬਾਅਦ ਜਦੋਂ ਰੂਸ ਦੀ ਇਕ ਪਣਡੁੱਬੀ ਬਰਫ਼ੀਲੇ ਪਾਣੀਆਂ ਵਿਚ ਡੁੱਬੀ ਸੀ। ਸੈਂਕੜੇ ਰੂਸੀ ਨੌ ਸੈਨਿਕ ਨਾਲ ਹੀ ਡੁੱਬੇ ਸਨ। ਉਸ ਵਕਤ ਅਮਰੀਕਾ ਨੇ ਮਦਦ ਦੀ ਪੇਸ਼ਕਸ਼ ਕੀਤੀ ਸੀ, ਪਰ ਰੂਸ ਨੇ ਠੁਕਰਾ ਦਿੱਤੀ ਸੀ। ਉਸ ਨਮੋਸ਼ੀ ਵਿੱਚੋਂ ਰੂਸ ਕਦੋਂ ਦਾ ਨਿਕਲ ਚੁੱਕਾ ਹੈ। ਹੁਣ ਉਹ ਅਮਰੀਕਾ ਅਤੇ ਉਸ ਦੇ ਨਾਟੋ ਕਲੱਬ ਮੈਂਬਰਾਂ ਤੋਂ ਡਰਦਾ ਨਹੀਂ। ਹਰ ਜੰਗ ਮਾੜੀ ਹੁੰਦੀ ਹੈ, ਜੰਗ ਬਿਲਕੁਲ ਨਹੀਂ ਹੋਣੀ ਚਾਹੀਦੀ…… ਪਰ ਇਸ ਜੰਗ ਦੇ ਬੀਜ ਬਹੁਤ ਸਮਾਂ ਪਹਿਲਾਂ ਬੀਜੇ ਜਾ ਚੁੱਕੇ ਸਨ। ਇਸ ਸੰਬੰਧੀ ਸਰਗਰਮੀ ਨਾਲ ਲਿਖ ਰਹੇ ਖੱਬੇਪੱਖੀ ਚਿੰਤਕ ਸਰਬਜੀਤ ਸੋਹੀ, ਆਸਟਰੇਲੀਆ ਹੁਰਾਂ ਦੀ ਲਿਖਤ ਇਸ ਬਾਰੇ ਕਾਫੀ ਚਾਨਣਾ ਪਾਉਂਦੀ ਹੈ।