ਕਾਮਰੇਡ ਸਕਰੀਨ: ਕਾਮਰੇਡ ਕਰਤਾਰ ਸਿੰਘ ਬੁਆਣੀ ਦਾ ਸਦੀਵੀ ਵਿਛੋੜਾ-ਇੱਕ ਹੋਰ ਥੰਮ ਡਿੱਗ ਪਿਆ

Sent By M S Bhatia on Tuesday 19th November 2024 at 19:49 Regarding Demise of Comarde K S Buyani

ਅੰਤਿਮ ਸਸਕਾਰ ਉਹਨਾਂ ਦੇ ਪਿੰਡ ਬੁਆਣੀ ਵਿਖੇ 20 ਨਵੰਬਰ ਨੂੰ 11 ਵਜੇ

ਲੁਧਿਆਣਾ: 19 ਨਵੰਬਰ 2024: (ਐਮ ਐਸ ਭਾਟੀਆ//ਇਨਪੁਟ-ਮੀਡੀਆ ਲਿੰਕ//ਕਾਮਰੇਡ ਸਕਰੀਨ ਡੈਸਕ)::

ਕਾਮਰੇਡ ਕਰਤਾਰ ਸਿੰਘ ਬਾਣੀ ਹੁਰਾਂ ਨਾਲ ਕਾਮਰੇਡ ਐਮ ਐਸ ਭਾਟੀਆ ਅਤੇ ਵੱਲੋਂ ਕੀਤੀ ਗਈ ਗੱਲਬਾਤ ਵਾਲੀ ਵੀਡੀਓ

ਸਾਰੀ ਉਮਰ ਲਾਲ ਝੰਡੇ ਨਾਲ ਨਿਭਾਉਣ ਵਾਲੇ ਕਾਮਰੇਡ ਕਰਤਾਰ ਸਿੰਘ ਬੁਆਣੀ ਹੁਣ ਨਹੀਂ ਰਹੇ। ਸਾਰੇ ਸਾਥੀਆਂ ਨੂੰ ਦੁਖੀ ਹਿਰਦੇ ਨਾਲ ਸੁਚਿਤ ਕੀਤਾ ਜਾਂਦਾ ਹੈ ਕਿ ਕਾਮਰੇਡ ਕਰਤਾਰ ਸਿੰਘ ਬੁਆਣੀ ਸਦੀਵੀ ਵਿਛੋੜਾ ਦੇ ਗਏ ਹਨ।

ਕਾਮਰੇਡ ਕਰਤਾਰ ਸਿੰਘ ਬੁਆਣੀ ਆਪਣੇ ਸਮਿਆਂ ਵਿੱਚ ਆਲ ਇੰਡੀਆ ਸਟੂਡੈਂਟਸ ਫੈਡਰੇਸ਼ਨ ਦੇ ਪੰਜਾਬ ਦੇ ਮੋਢੀ ਆਗੂਆਂ ਵਿੱਚੋਂ ਸਨ। ਉਹਨਾਂ ਨੇ ਵਿਦਿਆਰਥੀਆਂ ਦੇ ਲਈ ਅਨੇਕਾਂ ਅੰਦੋਲਨ ਕੀਤੇ ਤੇ ਅਨੇਕਾਂ ਵਾਰ ਇਹਨਾਂ ਅੰਦੋਲਨਾਂ ਦੇ ਦੌਰਾਨ ਜੇਲ ਵਿੱਚ ਗਏ। ਵਿਦਿਆਰਥੀ ਆਗੂ ਹੁੰਦੇ ਹੋਏ ਹੀ ਉਹ ਸਰਬਸੰਮਤੀ ਦੇ ਨਾਲ ਭਾਰਤੀ ਕਮਿਊਨਿਸਟ ਪਾਰਟੀ ਦੇ ਜਿਲ੍ਹਾ ਸਕੱਤਰ ਚੁਣੇ ਗਏ।

ਉਹਨਾਂ ਦੇ ਕਾਲਜ ਦੇ ਸਾਥੀ ਪ੍ਰਦੀਪ ਸ਼ਰਮਾ ਦੱਸਦੇ ਹਨ ਕਿ ਉਹਨਾਂ ਨੇ ਪਹਿਲੀ ਵਾਰ ਕਾਮਰੇਡ ਕਰਤਾਰ ਸਿੰਘ ਬੁਆਣੀ ਨੂੰ ਪਹਿਲੀ ਵਾਰ ਆਰੀਆ ਕਾਲਜ ਵਿੱਚ ਦੇਖਿਆ। ਪ੍ਰਦੀਪ ਸ਼ਰਮਾ ਸੰਨ 1972 ਵਿੱਚ ਆਰੀਆ ਕਾਲਜ ਵਿਛ ਦਾਖਲ ਹੋਣ ਲਈ ਗਏ ਤਾਂ ਕਾਲਜ ਵਿਚ ਵਧੀਆਂ ਹੋਈਆਂ ਫੀਸਾਂ ਦੇ ਮੁੱਦੇ ਨੂੰ ਲੈ ਕੇ ਅੰਦੋਲਨ ਜਿਸ ਦੀ ਅਗਵਾਈ ਕਾਮਰੇਡ ਕਰਤਾਰ ਸਿੰਘ ਬੁਆਣੀ ਕਰ ਰਹੇ। ਸਨ ਸ਼ਰਮਾ ਜੀ ਦੱਸਦੇ ਹਨ ਕਿ ਪਹਿਲਾਂ ਤਾਂ ਅਸੀਂ ਘਬਰਾਏ ਅਤੇ ਸੋਚਿਆ ਕਿ ਇਹਨਾਂ ਅੰਦੋਲਨਕਾਰੀਆਂ ਤੋਂ ਦੂਰ ਹੀ ਰਹੀਏ। ਇਹ ਨਾ ਹੋਵੇ ਕਿ ਕਾਲਜ ਦੀ ਮੈਨੇਜਮੈਂਟ ਗੁੱਸੇ ਵਿੱਚ ਆ ਕੇ ਸਾਨੂੰ ਕਾਲਜ ਵਿੱਚੋਂ ਹੀ ਕੱਢ ਦੇਵੇ। ਪਰ ਵਿਦਿਆਰਥੀਆਂ ਦੀ ਲਹਿਰ ਤੋਂ ਵੱਖ ਹੋਣਾ ਵੀ ਸੌਖਾ ਨਹੀਂ ਸੀ। ਜਦੋਂ ਇਹਨਾਂ ਘਬਰਾਏ ਹੋਏ ਵਿਦਿਆਰਥੀਆਂ ਨੇ ਕਾਮਰੇਡ ਬੁਆਣੀ ਸਪੀਚਾਂ ਸੁਣੀਆਂ ਤਾਂ ਇਹ ਸਾਰੇ ਬਾਣੀ ਸਾਹਿਬ ਦੇ ਮੁਰੀਦ ਬਣ ਗਏ। ਕਰਤਾਰ ਬੁਆਣੀ ਦੇ ਭਾਸ਼ਣਾਂ ਵਿੱਚ ਵਧੀਆਂ ਹੋਈਆਂ ਫੀਸਾਂ ਦੇ ਖਿਲਾਫ ਬੜੇ ਹੀ ਤਰਕਪੂਰਨ ਵਿਚਾਰ ਸਨ।

ਫਿਰ ਜਦੋਂ ਮੋਗਾ ਗੋਲੀਕਾਂਡ ਦੀ ਅੱਗ ਭਖੀ ਤਾਂ ਬਹੁਤ ਵੱਡਾ ਅੰਦੋਲਨ ਲੁਧਿਆਣਾ ਵਿੱਚ ਵੀ ਹੋਇਆ। ਲੁਧਿਆਣਾ ਦੇ ਘੰਟਾਘਰ ਚੌਂਕ ਵਿੱਚ ਬਾਕਾਇਦਾ ਵਿਦਿਆਰਥੀਆਂ ਅਤੇ ਹੋਰਨਾਂ ਸਾਥੀਆਂ ਨੇ ਭੁੱਖ ਹੜਤਾਲ ਵੀ ਰੱਖੀ। ਕਾਮਰੇਡ ਕਰਤਾਰ ਬੁਆਣੀ ਦੀ ਹਿੰਮਤ ਅਤੇ ਪ੍ਰੇਰਨਾ ਸਦਕਾ ਪ੍ਰਦੀਪ ਸ਼ਰਮਾ ਵੀ ਭੁੱਖ ਹੜਤਾਲ ਵਿੱਚ ਬੈਠੇ ਅਤੇ ਉਹਨਾਂ ਨੂੰ ਅੰਦੋਲਨਾਂ ਵਾਲੀ ਅਸਲੀ ਜ਼ਿੰਦਗੀ ਦਾ ਅਸਲੀ ਸੁਆਦ ਪਤਾ ਲੱਗਿਆ। ਇਸਦੇ ਮੋਗਾ ਅੰਦੋਲਨ ਦੇ ਨਾਲ ਨਾਲ ਇਪਟਾ ਦਾ ਪ੍ਰੇਮ ਵੀ ਸੀ ਅਤੇ ਪ੍ਰਦੀਪ ਸ਼ਰਮਾ ਲਾਲ ਝੰਡੇ ਦੇ ਨੇੜੇ ਆਉਂਦੇ ਚਲੇ ਗਏ। ਕਾਮਰੇਡ ਬਾਣੀ ਦੇ ਤੁਰ ਜਾਣ ਦੀ ਖਬਰ ਸੁਣ ਕੇ ਹੋਏ ਪ੍ਰਦੀਪ ਸ਼ਰਮਾ ਨੇ ਉਹਨਾਂ ਨਾਲ ਜੁੜੀਆਂ ਬਹੁਤ ਸਾਰੀਆਂ ਹੋਰ ਯਾਦਾਂ ਵੀ ਚੇਤੇ ਕਰਾਈਆਂ।

ਕਾਮਰੇਡ ਰਮੇਸ਼ ਰਤਨ ਦੱਸਦੇ ਹਨ ਕਿ ਉਮਰ ਅਤੇ ਬਿਮਾਰੀਆਂ ਦੇ ਝੰਬੇ ਹੋਏ ਕਾਮਰੇਡ ਕਰਤਾਰ ਸਿੰਘ ਬੁਆਣੀ ਸਾਨੂੰ ਜਲਦੀ ਵਿਛੋੜਾ ਦੇ ਗਏ। ਜੇਕਰ ਉਹ ਬਿਮਾਰੀ ਦੇ ਬਾਵਜੂਦ ਪਾਰਟੀ ਨਾਲ ਜੁੜੇ ਕੰਮਾਂ ਵਿਚ ਸਰਗਰਮ ਰਹਿੰਦੇ ਤਾਂ ਉਹਨਾਂ ਨੇ ਇਹਨਾਂ ਬਿਮਾਰੀਆਂ ਤੇ ਵੀ ਜਿੱਤ ਪ੍ਰਾਪਤ ਕਰ ਲੈਣੀ ਸੀ। ਸਾਰੀ ਉਮਰ ਲੋਕਾਂ ਦੇ ਲਾਇ ਸਰਗਰਮ ਰਹਿਣ ਵਾਲੇ ਲੀਡਰ ਜਦੋਂ ਘਰਾਂ ਵਿੱਚ ਕੱਲੇ ਰਹੀ ਜਾਂਦੇ ਹਨ ਤਾਂ ਉਹਨਾਂ ਨੰ ਨਿਰਾਸ਼ਾ ਅਤੇ ਚਿੰਤਾਵਾਂ ਵੀ ਘੇਰ ਲੈਂਦੀਆਂ ਹਨ। ਇਹਨਾਂ ਤੋਂ ਬਚਣ ਦਾ ਇੱਕੋ ਇੱਕ ਤਰੀਕਾ ਹੈ ਕਿ ਜਦੋਂ ਇੱਕ ਵਾਰ ਆਪਣੀ ਜਿੰਦ ਲੋਕਾਂ ਦੇ ਨਾਮ ਕਰੋ ਤਾਂ ਫਿਰ ਆਖ਼ਿਰੀ ਦਮ ਤਕ ਲੋਕਾਂ ਲਈ ਹੀ ਜਿਊਣਾ ਜ਼ਰੂਰੀ ਹੈ। ਫਿਰ ਨਾ ਕੋਈ ਬਿਮਾਰੀ ਨੇੜੇ ਆਉਂਦੀ ਹੈ ਅਤੇ ਨਾ ਹੀ ਕਿ ਚਿੰਤਾ ਨਿਰਾਸ਼ਾ। ਕਾਮਰੇਡ ਰਮੇਸ਼ ਰਤਨ ਗਾਹੇ-ਬਗਾਹੇ ਕਾਮਰਦੇ ਬੁਆਣੀ ਦੇ ਘਰ ਜਾ ਕੇ ਉਹਨਾਂ ਨੂੰ ਲੋਕਾਂ ਦੇ ਖੁੱਲੇ ਵਿਹੜਿਆਂ ਵਿੱਚ ਪਰਤਣ ਲਈ ਪ੍ਰੇਰਦੇ ਵੀ ਰਹਿੰਦੇ ਸਨ। ਆਪਣੀਆਂ ਇਹਨਾਂ ਖੂਬੀਆਂ ਕਰਕੇ ਹੀ ਕਾਮਰੇਡ ਰਮੇਸ਼ ਰਤਨ ਨੇ ਜ਼ਿੰਦੇਗੀ ਦੇ ਬਹੁਤ ਸਾਰੇ ਭੇਦਾਂ ਅਤੇ ਨਿਯਮਾਂ ਨੂੰ ਬੜਾ ਨੇੜੇ ਹੋ ਕੇ ਦੇਖਿਆ ਹੈ।

ਸੀਪੀਆਈ ਪੰਜਾਬ ਦੇ ਸੂਬਾ ਸਕੱਤਰ ਕਾਮਰੇਡ ਬੰਤ ਸਿੰਘ ਬਰਾੜ ਨੇ ਵੀ ਕਾਮਰੇਡ ਬਾਣੀ ਦੇ ਤੁਰ ਜਾਣ ਦੀ ਮੰਦਭਾਗੀ ਖਬਰ ਦੀ ਚਰਚਾ ਬੜੇ ਹੀ ਉਦਾਸ ਮਨ ਨਾਲ। ਉਹਨਾਂ ਕਿਹਾ ਕਿ ਬੁਆਣੀ ਨੇ ਵਿਦਿਆਰਥੀਆਂ ਅਤੇ ਨੌਜਵਾਨਾਂ ਦੇ ਮਨਾਂ ਵਿੱਚ ਲਾਲ ਝੰਡੇ ਨਾਲ ਇਸ਼ਕ ਦੀ ਜਿਹੜੀ ਚਿਣਗ ਬਾਲੀ ਸੀ ਉਹ ਹੁਣ ਤੱਕ ਮਘਦੀ ਚਲੀ ਆ ਰਹੀ ਹੈ। ਕਾਮਰੇਡ ਬੁਆਣੀ ਦਾ ਛੇਤੀ ਤੁਰ ਜਾਣਾ ਲਾਲ ਝੰਡੇ ਦੇ ਕਾਫ਼ਿਲੇ ਲਈ ਇੱਕ ਵੱਡਾ ਘਾਟਾ ਹੈ।

ਉਹ ਪਾਰਟੀ ਦੇ ਸੂਬਾਈ ਆਗੂ ਵੀ ਰਹੇ ਤੇ ਲੰਮੇ ਸਮੇਂ ਤੱਕ ਪਾਰਟੀ ਦੇ ਸੂਬਾ ਸਕਤਰੇਤ ਦੇ ਮੈਂਬਰ ਵੀ ਰਹੇ। ਪਾਰਟੀ ਆਗੂ ਦੇ ਤੌਰ ਤੇ ਉਹਨਾਂ ਨੇ ਅਨੇਕਾਂ ਅੰਦੋਲਨ ਵੀ ਲੜੇ, ਜੇਲਾਂ ਕੱਟੀਆਂ ਅਤੇ ਵਿਸ਼ੇਸ਼ ਕਰ ਲੁਧਿਆਣਾ ਜ਼ਿਲ੍ਹੇ ਦੇ ਵਿੱਚ ਪਾਰਟੀ ਨੂੰ ਬਹੁਤ ਮਜਬੂਤ ਲੀਹਾਂ ਤੇ ਖੜਾ ਕੀਤਾ। ‌ ਉਹ ਆਪਣੇ ਇਲਾਕੇ ਵਿੱਚ ਹਰਮਨ ਪਿਆਰੇ ਆਗੂ ਸਨ ਅਤੇ ਉਹਨਾਂ ਨੇ ਤਿੰਨ ਵਾਰ ਅਸੈਂਬਲੀ ਦੀ ਚੋਣ ਵੀ ਲੜੀ। ਉਹਨਾਂ ਦਾ ਵਿਛੋੜਾ ਨਾ ਪੂਰਾ ਹੋਣ ਵਾਲਾ ਘਾਟਾ ਹੈ।

ਕਾਮਰੇਡ ਐਮ ਐਸ ਭਾਟੀਆ ਨੇ ਵੀ ਕਾਮਰੇਡ ਕਰਤਾਰ ਸਿੰਘ ਬੁਆਣੀ ਹੁਰਾਂ ਦੀਆਂ ਬਹੁਤ ਸਾਰੀਆਂ ਯਾਦਾਂ ਤਾਜ਼ਾ ਕਰਾਉਂਦਿਆਂ ਦੱਸਿਆ ਕਿ ਕਿਵੇਂ ਕਾਮਰੇਡ ਬੁਆਣੀ ਪੰਜਾਬ ਦੇ ਨਾਜ਼ੁਕ ਵੇਲਿਆਂ ਦੌਰਾਨ ਵੀ ਬੜੇ ਜੋਸ਼ ਅਤੇ ਦ੍ਰਿੜਤਾ ਨਾਲ ਡਟੇ ਰਹੇ। ਅੱਤਵਾਦ ਅਤੇ ਸਰਕਾਰੀ ਜਬਰ ਦੇ ਖਿਲਾਫ ਉਹ ਆਏ ਦਿਨ ਕਿਸ ਨ ਕਿਸ ਮਾਮਲੇ ਵਿੱਚ ਸਰਗਰਮ ਰਹਿੰਦੇ। ਕਾਮਰੇਡ ਭਾਟੀਆ ਨੇ ਕੁਝ ਸਮਾਂ ਪਹਿਲਾਂ ਕਾਮਰੇਡ ਬੁਆਣੀ ਨਾਲ ਇੱਕ ਮੁਲਾਕਾਤ ਵੀ ਰਿਕਾਰਡ ਕੀਤੀ ਸੀ। ਇਹ ਮੁਲਾਕਾਤ ਕਾਮਰੇਡ ਸਕਰੀਨ ਦੇ ਸਹਿਯੋਗੀ ਮੰਚ ਪੰਜਾਬ ਸਕਰੀਨ ਵੱਲੋਂ ਤਿਆਰ ਕੀਤੀ ਗਈ ਸੀ। ਉਹ ਵੀਡੀਓ ਅਸੀਂ ਇਥੇ ਵੀ ਦੇ ਰਹੇ ਹਾਂ। ਤੁਹਾਡੇ ਵਿਚਾਰਾਂ ਦੀ ਉਡੀਕ ਇਸ ਸਬੰਧੀ ਵੀ ਰਹੇਗੀ।

ਏਟਕ ਨਾਲ ਸਬੰਧਤ ਕਾਮਰੇਡ ਵਿਜੇ ਕੁਮਾਰ ਨੇ ਵੀ ਕਾਮਰੇਡ ਬੁਆਣੀ ਦੇ ਦੇਹਾਂਤ ਤੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਅਤੇ ਕਿਹਾ ਕਿ ਉਹਨਾਂ ਨੇ ਪਾਰਟੀ ਲਗਾਈ ਸਾਰੀ ਉਮਰ ਲਾਈ। ਕਾਮਰੇਡ ਵਿਜੇ ਕੁਮਾਰ ਵੀ ਆਪਣੇ ਸਾਥੀਆਂ ਨਾਲ ਕਾਮਰੇਡ ਬੁਆਣੀ ਦੀ ਸਿਹਤ ਦਾ ਪਤਾ ਲੈਣ ਲਈ ਅਕਸਰ ਜਾਂਦੇ ਰਹੇ ਹਨ।